Bugun.tv xəbər verir ki, İran İslam İnqilabı Keşikçiləri Korpusu (SEPAH) Hörmüz boğazı üzərində ABŞ-a məxsus MQ-9 Reaper tipli pilotsuz uçuş aparatının (PUA) vurulduğunu açıqlayıb.
İran tərəfinin məlumatına görə, uzunmənzilli ABŞ PUA-sı SEPAH-ın müasir hava hücumundan müdafiə sistemlərindən buraxılan raketlərlə hədəfə alınıb. Bildirilir ki, vurulan aparat daha sonra Fars körfəzinə düşüb.
Bu hadisə ABŞ-ın Hörmüz boğazı yaxınlığındakı Lark adasına iki zərbə endirməsindən sonra baş verib. SEPAH ABŞ-ın hücumlarına cavab olaraq İordaniyada ABŞ qüvvələrinin istifadə etdiyi Muvaffaq Salti və Kral Hüseyn hava bazalarına ballistik raketlərlə zərbələr endirdiyini bildirib.
ABŞ-a məxsus MQ-9 Reaper PUA-larının müharibə zamanı itkiləri ilə bağlı daha əvvəl də məlumatlar yayılıb. “Washington Post” qəzetinin 13 avqust tarixli məlumatında ABŞ-ın İranla müharibə zamanı, xüsusilə Hörmüz boğazı ətrafında istifadə etdiyi MQ-9 Reaper aparatlarından ən azı 45-ni itirdiyi bildirilmişdi.
ABŞ rəsmilərinə istinadən yayılan məlumatda bu rəqəmin ABŞ-ın MQ-9 Reaper parkının təxminən 25 faizinə bərabər olduğu qeyd edilmişdi.
Mənbə: Trt.haber