İran və Çin arasında aparılan hərbi danışıqlar çərçivəsində hipersonik gəmisavar raketi CM-302-nin alınması məsələsi ön plana çıxıb.
Ekspertlər bildirir ki, bu raketlərin əldə olunması regiondakı güc balansına ciddi təsir göstərə bilər.
CM-302 raketləri səs sürətini aşan sürətə malikdir, 300 kilometrə qədər mənzili, radar və dəniz müdafiə sistemlərindən qaçma qabiliyyəti ilə seçilir.
Raketlər həm gəmilərdən, həm təyyarələrdən, həm də quru platformalarından atıla bilər və həm dəniz, həm də quru hədəflərinə təsir göstərir.
Görüşlərin sürətlənməsində 2025-ci ilin iyununda baş vermiş 12 günlük İsrail-İran münaqişəsi rol oynayıb.
İran rəsmiləri razılaşmanın strateji əhəmiyyətini vurğulayarkən, Çin Xarici İşlər Nazirliyi danışıqlardan rəsmi məlumatlı olmadığını açıqlayıb.
Tel-Əviv bu raketlərin İrana əlavə hücum qabiliyyəti qazandıracağını “oyun dəyişdirici” kimi qiymətləndirir.
ABŞ isə bölgəyə geniş dəniz və hava qüvvəsi yığaraq İrana təzyiqi artırır.
İran mənbələri əlavə edirlər ki, ölkə yalnız CM-302 ilə kifayətlənməyəcək. Eyni zamanda Çindən əlavə hava müdafiə və ballistik raket əleyhinə sistemlərin alınması üçün də danışıqlar aparılır.
Mənbə: İLKHA