Bugun.tv xəbər verir ki, İran ordusunun komandanı Əmir Hatəmi ölkəsinin maraqlarını və ərazi bütövlüyünü qorumaq üçün uzunmüddətli mübarizəyə hazır olduğunu bildirib.
İranın rəsmi IRNA agentliyinə istinadən yayılan məlumatda Hatəmi ölkəsinin xarici qüvvələrin planlarını həyata keçirməsi üçün “poligon”a çevrilməsinə imkan verməyəcəklərini deyib.
Komandan vurğulayıb ki, İran silahlı qüvvələri istənilən təcavüzə cavab verməyə, ölkənin müstəqilliyini, ərazi bütövlüyünü və təhlükəsizliyini qətiyyətlə qorumağa hazırdır.
Hatəmi bildirib ki, İranın ərazisinin başqa ölkələrin maraqları naminə dəyişdirilməsinə imkan verilməyəcək. Onun sözlərinə görə, Tehran öz maraqlarını müdafiə etmək üçün “10 nəsil, 20 nəsil” mübarizə aparmağa hazırdır.
İran ordusunun komandanı ABŞ və İsraili ölkəyə qarşı müxtəlif planlar hazırlamaqda ittiham edib. O, eyni zamanda İran silahlı qüvvələrinin mümkün bütün ssenarilərə hazır olduğunu açıqlayıb.
Hatəminin sözlərinə görə, qarşı tərəfə İranın istənilən xarici təzyiq qarşısında geri çəkilməyəcəyi “güc dili ilə” göstərilməlidir.
Mənbə: mail.ru