Baş xəbərDünya

İran prezidenti Rəisinin olduğu helikopter qəzaya uğrayıb

İran dövlət televiziyası prezident İbrahim Rəisini daşıyan helikopterin qəzaya uğradığını açıqlayıb. Xilasetmə qrupları pis hava şəraitində qəzanın baş verdiyi əraziyə çatmağa çalışır. Qəzaya uğrayan helikopterdə İranın xarici işlər naziri Hüseyn Əmir Abdullahianın da olduğu iddia edilib. İranın Şərqi Azərbaycan Valiliyi “Prezident Rəisini daşıyan helikopterin qəzaya uğraması” ilə bağlı “mümkün ölən və yaralananlar” barədə hələlik məlumat verə bilməyəcəyini açıqlayıb. İranın Fars xəbər agentliyi helikopter qəzası xəbərindən sonra iranlıları Prezident Rəhbəri üçün dua etməyə çağırıb.

İran dövlət televiziyası İran prezidenti İbrahim Rəisini daşıyan karvandakı helikopterlərdən birinin qəzaya uğradığını açıqlayıb. Eyni helikopterdə İranın xarici işlər naziri Hüseyn Əmir Abdullahianın da olduğu iddia edilib.

Karvanda 3 helikopterin olduğu, bəzi nazirlik rəsmilərini daşıyan 2 helikopterin isə təhlükəsiz şəkildə təyinat yerinə çatdığı bildirilib.

İran prezidenti Azərbaycan prezidenti İlham Əliyevlə bəndin açılışında görüşüb. Görüşdən sonra geri dönərkən Rəisi daşıyan helikopter Şərqi Azərbaycan vilayətinə məcburi eniş edib.

Sıx duman və kəskin küləyin yaratdığı çətin hava şəraiti ilə əlaqədar həyata keçirilən məcburi enişin “sərt eniş” olduğu bildirilib.

İranın Şərqi Azərbaycan Valiliyi “Prezident Rəisini daşıyan helikopterin qəzaya uğraması” ilə bağlı “mümkün ölən və yaralananlar” barədə hələlik məlumat verə bilməyəcəyini açıqlayıb.

İranın Fars xəbər agentliyi helikopterin qəzaya uğraması xəbərindən sonra iranlıları Prezident Rəhbəri üçün dua etməyə çağırıb. İran dövlət televiziyası prezidentin sağlamlığı və təhlükəsizliyi üçün dualar yayımlamağa başlayıb.

“VƏZİYYƏT NARAHAT EDİR”

İran rəsmisi Reuters agentliyinə bildirib ki, helikopterin qəzaya uğramasından sonra prezident Rəisi və xarici işlər naziri Əmirabdullahiyanın həyatı risk altındadır.

Rəsmi hələ də ümidli olduqlarını, lakin qəza yerindən gələn məlumatların çox narahat olduğunu bildirib.

YARDIM QRUPLARI YOLDADIR

Məlumata görə, yardım qrupları qəzanın baş verdiyi paytaxt Tehrandan təxminən 600 kilometr şimal-qərbdə yerləşən Culfa şəhərinə çatmağa çalışır.

İran Daxili İşlər Nazirliyindən verilən açıqlamada, çətin hava şəraiti səbəbindən xilasetmə qruplarının bölgəyə çatmaqda çətinlik çəkdiyi qeyd edilib. Əlverişsiz hava şəraiti səbəbindən xilasetmə işlərinin vaxt apara biləcəyi bildirilib.

Mənbə: Ntv.Tr

Aynur Camal

Oxşar xəbərlər

1 saylı Sumqayıt “ASAN xidmət”i 10 il sizinlə! – FOTO

Aynur Camal

İtkin düşən helikopterin qəzaya uğradığı məlum oldu! Ölənlər var!

Nigar Məmmədova

İsrail Dəməşqə hava hücumu təşkil etdi

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu