Məhəmməd Eslami bildirib ki, İran heç bir halda uranın zənginləşdirilməsi proqramını məhdudlaşdırmayacaq.
İranın vitse-prezidenti və Atom Enerjisi Təşkilatının rəhbəri vurğulayıb ki, bu istiqamətdə edilən təzyiqlər və tələblər nəticəsiz qalacaq. Onun sözlərinə görə, ABŞ və İsrail tərəfindən həyata keçirilən təzyiqlər Tehranın mövqeyini dəyişməyib.
Eslami qeyd edib ki, İranın nüvə proqramını məhdudlaşdırmaqla bağlı iddialar “reallıqdan uzaqdır” və bu cür planlar heç vaxt həyata keçməyəcək.
O həmçinin bildirib ki, son hərbi və siyasi gərginliklərə baxmayaraq, İran öz strateji kursunu davam etdirir və danışıqlar prosesində güzəştə getmək niyyətində deyil.
Ekspertlərin fikrincə, bu açıqlama regionda gərginliyin davam edəcəyindən xəbər verir və nüvə proqramı məsələsinin yaxın zamanda həll olunmayacağını göstərir.
Mənbə: TASS