İran və Çin xarici işlər nazirləri regiondakı gərginliyi müzakirə etmək üçün telefon görüşməsi keçiriblər.
Bugun.tv xəbər verir ki, Çin Xarici İşlər Naziri Wang Yi İranlı həmkarı Abbas Erakçi ilə söhbətində bütün həssas məsələlərin güc tətbiqi ilə deyil, dialoq və danışıqlar yolu ilə həll olunmasının vacibliyini vurğulayıb.
Erakçi Çin tərəfini İran xalqına göstərdiyi təcili humanitar yardım üçün təşəkkür edib və ölkəsinin xarici təcavüzlərə qarşı daha da birlik olduğunu bildirib. O, İranın müvəqqəti atəşkəs deyil, münaqişəyə tam həll gətirmək niyyətində olduğunu qeyd edib və Hörmüz Boğazının hər kəs üçün açıq olduğunu vurğulayıb.
Wang Yi isə Çin tərəfinin prinsipial mövqeyini təkrar edərək, dialoqun davam edən münaqişədən daha səmərəli olduğunu bildirib və bütün tərəfləri sülh danışıqlarına başlamağa çağırıb.
Görüşdə tərəflər, regional barışın qorunması və münaqişənin daha da genişlənməsinin qarşısının alınması üçün birgə səylərin vacibliyini vurğulayıblar.
Mənbə: İlkha