Yaxın Şərqdə artan gərginlik fonunda Hörmüz boğazı ətrafında yaranan problemlər qlobal enerji bazarına ciddi təsir göstərməyə başlayıb.
Məlumata görə, regionda davam edən münaqişə səbəbindən strateji əhəmiyyət daşıyan bu dəniz marşrutunda nəqliyyatın məhdudlaşması bir sıra ölkələrdə yanacaq çatışmazlığına gətirib çıxarıb. Xüsusilə idxaldan asılı olan ölkələrdə benzin və dizel qıtlığı müşahidə olunur.
Bəzi dövlətlərdə yanacaq satışına məhdudiyyətlər tətbiq edildiyi, hətta müəyyən yerlərdə yalnız limitli şəkildə satışın həyata keçirildiyi bildirilir. Ekspertlər xəbərdarlıq edir ki, böhranın davam etməsi halında neft qiymətlərində daha kəskin artım və qlobal iqtisadi təsirlərin dərinləşməsi qaçılmaz ola bilər.
Analitiklər hesab edir ki, Hörmüz boğazı üzərində nəzarət uğrunda geosiyasi mübarizə dünya enerji təhlükəsizliyi üçün əsas risklərdən biri olaraq qalır.
Mənbə: CNN