Tanınmış iranlı insan haqları hüquqşünası Nəsrin Sotoudeh Tehrandakı evindən eksklüziv müsahibəsində CNN-in baş beynəlxalq aparıcısı Christiane Amanpour-a deyib ki, amansız dövlət repressiyası aylardır ölkəni bürümüş nümayişləri sakitləşdirməyə müvəffəq olsa da, bir çox iranlı hələ də rejimin dəyişdirilməsini istəyir:
“Edam təhlükəsinə, repressiyalara baxmayaraq, İran xalqının bu rejimə nifrəti, onu dəyişmək istəyi ara vermir”.
O, cəmiyyətin İrandakı mövcud sistemi dəyişməsini tələb etdiklərini vurğulayaraq İranın keçmiş Baş naziri Mirhüseyn Musəvinin də bu məqsədlə referendumun keçirilməsini tələb etdiyini bildirib. Hüquq müdafiəçisi qeyd edib ki, 4 aydır sürən etiraz aksiyaları Tehran rejiminin mövqeyinin dəyişməyib: “Bununla belə, qadınlar itaətsizliyi davam etdirirlər”. Xatırladaq ki, 59 yaşlı Nəsrin Sutudə məhkəmələrdə ölüm hökmü təhlükəsi olan yetkinlik yaşına çatmayanların, ictimai yerlərdə hicaba əməl etmədikləri üçün tutulanların hüquqlarını müdafiə edib. O, 2019-cu ildə “dövlətin təhlükəsizliyinə qarşı çıxdığı üçün” 33 il müddətinə azadlıqdan məhrum olunub. Hüquq müdafiəçisi ona qarşı irəli sürülən ittihamlara etiraz olaraq 40 gündür aclıq aksiyası keçirir. N.Sotude 2012-ci ildə insan hüquqlarını müdafiə etdiyinə görə Saxarov mükafatına layiq görülüb. Onun ölkəni tərk etməsi qadağan olunub. Mənbə: CNN.com