Bugun.tv xəbər verir ki, İran davam edən küçə hadisələri və zorakılıq aktları səbəbindən öz vətəndaşlarını zərurət olmadıqca Fransaya getməməyə çağırıb.
İran Xarici İşlər Nazirliyinin sözçüsü Nasir Kenani verdiyi yazılı açıqlamada ölkə vətəndaşlarına Fransada baş verənlərlə bağlı xəbərdarlıq edib.
“Fransada təhlükəsizlik problemlərinə görə bu ölkədəki vətəndaşlarımızdan zərurət olmadıqca küçəyə çıxmamalarını və münaqişə bölgələrindən uzaq durmalarını xahiş edirik. İranlılar zərurət olmadıqca bu ölkəyə səyahət etməkdən çəkinməlidirlər. Fransa hökuməti insan ləyaqətinə, ifadə azadlığına və dinc toplaşmaq hüququna əsaslanan prinsiplərə hörmət edərək öz xalqı ilə münaqişələrə son qoymalıdır”, – sözçü bildirib.
Mənbə: TRT Haber