Bugun.tv xəbər verir ki, İranın pilotsuz uçuş aparatları ilə həyata keçirdiyi hücum nəticəsində Küveyt Beynəlxalq Hava Limanı ərazisində azı 63 nəfər yaralanıb.
Küveyt Səhiyyə Nazirliyinin məlumatına görə, yaralananlar arasında hava limanının əməkdaşları və sərnişinlər də var. Xəsarətlər arasında sınıqlar, kəllə-beyin travmaları və partlayış nəticəsində yaranan ağır zədələr qeydə alınıb.
Hadisədən sonra hava limanının fəaliyyəti təcili şəkildə dayandırılıb. Küveyt Mülki Aviasiya İdarəsi uçuşlara məhdudiyyət tətbiq olunduğunu açıqlayıb. Hazırda təyyarələrin qəbulu və yola salınması digər hava limanları vasitəsilə həyata keçirilir.
Küveyt Müdafiə Nazirliyi bildirib ki, gecə saatlarında həyata keçirilən hücum hava limanının binalarına ciddi ziyan vurub. Yerli KİV-in məlumatına görə, zərər görən terminal cəmi bir neçə gün əvvəl əvvəlki hücumdan sonra yenidən fəaliyyətə başlamışdı.
Hadisə ilə bağlı araşdırma aparılır.
Mənbə: mail.ru