Xamneyinin Putinə məktubunu dəyərləndirən İranın xarici işlər naziri bildirib ki, məktubda mühüm beynəlxalq və regional hadisələrlə yanaşı, ikitərəfli münasibətlərlə bağlı məsələlər də yer alıb.
Rusiyanın paytaxtı Moskvaya gələn İranın xarici işlər naziri Abbas Ərakçi Vnukovo beynəlxalq hava limanına gələrkən jurnalistlərə açıqlama verib.
Ərakçi açıqlamalarında İranın ali dini lideri Ayətullah Əli Xameneinin məktubunu Rusiya prezidenti Vladimir Putinə çatdıracağını bildirib.
Arakçi, “Bu səfər Ali Rəhbər Ayətullah Əli Xamneyinin Rusiya prezidentinə yazılı mesajını çatdırmaq üçün əvvəlcədən planlaşdırılıb. Səfərimin son regional hadisələr və ABŞ ilə dolayısı danışıqlarla eyni vaxtda baş tutması səfərin əhəmiyyətini daha da artırdı” deyib.
Dini Lider Xamneyinin Putinə göndərdiyi məktubun məzmunu ilə bağlı məlumat verən Arakçi, “Məktubda mühüm beynəlxalq və regional hadisələrlə yanaşı, ikitərəfli əlaqələrlə bağlı məsələlər də yer alıb” deyib.
Ərakçi Tehran və Moskvanın xüsusilə nüvə müzakirələri mövzusunda yaxın əməkdaşlığa diqqət çəkərək, “Rusiyadakı dostlarımızla nüvə mövzularında hər zaman yaxın əməkdaşlıq etmişik. Biz Çin və Rusiya ilə daim fikir mübadiləsi aparırıq və bu məsləhətləşmələrə uyğun mövqelərimizi müəyyənləşdiririk. Bu səfər də bu çərçivədə əhəmiyyətli bir fürsətdir” deyib.
Səfər zamanı regional hadisələrin də müzakirə ediləcəyini bildirən Arakçi, “Yaxın Şərqdəki son vəziyyət, İsrail rejiminin həyata keçirdiyi hücumlar, bölgədəki təhlükəsizlik təhdidləri və Ukrayna məsələsi də danışıqların mühüm mövzuları arasında olacaq” deyib.
İran və Rusiya arasında imzalanan və Rusiya parlamentinin aşağı palatası Duma tərəfindən təsdiqlənən strateji əməkdaşlıq müqaviləsinə münasibət bildirən Ərakçi bu müqavilənin ikitərəfli əlaqələri daha da dərinləşdirəcəyini bildirib.
Arakçi bu açıqlamaları verib:
Bu, çox mühüm sazişdir. Bu, əlaqələrimizin səviyyəsini yüksəldəcək, mövcud strateji əlaqələri daha mütəşəkkil və institusional strukturla təmin edəcək. Müqavilə iki ölkə arasında uzunmüddətli əməkdaşlığa zəmanət verir və bu münasibətlərə heç bir xarici faktorun təsir göstərməməsinə zəmanət verir. Yarana biləcək hər hansı bir inkişaf, əlbəttə ki, qarşılıqlı məsləhətləşmələr yolu ilə həll olunacaq, lakin bizim Rusiya ilə münasibətlərimizə baxışımız uzunmüddətlidir.
Mənbə: İhlas Xəbər Agentliyi (İHA)