Bugun.tv xəbər verir ki, İraq Səhiyyə Nazirliyi ölkədə baş verən qum fırtınası səbəbiylə 515 nəfərin boğulma və nəfəs darlığı şikayətləri ilə xəstəxanalara müraciət etdiyini açıqlayıb.
Səhiyyə Nazirliyinin sözçüsü Seyf əl-Bədir xəstəxanaya yerləşdirilənlərə lazımi müdaxilələrin edildiyini, mümkün yeni hallara qarşı görülən tədbirlər çərçivəsində təcili yardım və sağlamlıq qruplarının səfərbər edildiyini bildirib.
Xəstəxanalara müraciət edən xəstələrin əksəriyyətinin evə buraxıldığını qeyd edən İraq Səhiyyə Nazirliyinin sözçüsü ölüm halının qeydə alınmadığını bildirib.