Alibaba Group həmtəsisçisi, çinli milyarder Cek Ma Tokio Universitetinin Tokio Kollecinə qonaq professor kimi qatılıb.
Bu barədə Bloomberg məlumat yayıb.
58 yaşlı Ma-nın bu gündən tədrisə başlayacağı gözlənilir.
Universitetdən verilən məlumata görə, milyarder tələbələrə tədqiqatlar, xüsusən də davamlı kənd təsərrüfatı və qida istehsalı ilə bağlı məsləhətlər verəcək.
Ma həmçinin sahibkarlıq və innovasiya ilə bağlı seminarlar keçirəcək.
“Deyəsən, onun bir iş adamı kimi karyerası başa çatıb. O, əvvəllər ingilis dili müəllimi kimi çalışıb və biznesindən təqaüdə çıxdıqdan sonra müəllimliyə qayıtmaq arzusunu ifadə edib”, – LightStream Research analitiki Oshadhi Kumarasiri bildirib.