Bugun.tv xəbər verir ki, İsrail qüvvələri HƏMAS ilə son əsir mübadiləsi çərçivəsində azad edilən 11 fələstinlini yenidən həbs edib.
Fələstin Məhbuslar Dərnəyi ilə Fələstin Azadlıq Təşkilatının Əsir və Azad Edilən Nümayəndə heyətinin birgə bəyanatında 2023-cü ilin noyabrında İsrail və HƏMAS arasında əldə edilən əsir mübadiləsi razılaşması çərçivəsində azadlığa buraxıldıqdan sonra yenidən nəzarətə alınan fələstinlilər haqqında məlumat verilib.
Açıqlamada İsrail qüvvələrinin 3-ü uşaq, 4-ü qadın olmaqla 11 fələstinlini yenidən nəzarətə götürdüyü bildirilib.
Qeyd olunub ki, oktyabrın 7-dən bəri işğal altındakı İordan çayının qərb sahili və Şərqi Qüdsdə 7670 fələstinli saxlanılıb.