Bugun.tv xəbər verir ki, İsrail ordusu işğal altındakı Şərqi Qüds və İordan çayının qərb sahilində 25 fələstinlini saxlayıb. Fələstin Məhbuslar Dərnəyi ilə Fələstin Azadlıq Təşkilatına bağlı Əsir və Azad Heyətinin birgə bəyanatında İsrailin basqınlarını davam etdirdiyini bildirib.
Açıqlamaya görə, İsrail ordusu İordan çayının qərb sahilindəki Hebron, Nablus, Tulkarim və Qalkilya şəhərlərində fələstinlilərin evlərinə basqın təşkil edib. Fələstinlilərin cümə namazı üçün Məscidül-Əqsaya axışdığı Şərqi Qüdsdə də nəzarətə alınanlar var.