Bugun.tv xəbər verir ki, İsrailin Qəzza zolağına endirdiyi hava hücumunda bir ailədən 7-si uşaq olmaqla 9 fələstinli həyatını itirib.
TRT Haber-in məlumatına görə, Səhiyyə mənbələrindən və hadisə şahidlərindən alınan məlumata görə, Qəzzanın cənubundakı Xan Yunus şəhərində fələstinli “əl-Başiti” ailəsinin yaşadığı ev İsrail qüvvələrinin hava hücumu nəticəsində vurulub. Hücumda ana, ata və 7 uşaq olmaqla, fələstinli “əl-Başiti” ailəsindən 9 nəfər həyatını itirib, onlarla insan yaralanıb. Hava hücumunda “El-Beşiti” ailəsinin yaşadığı ev tamamilə dağıldığı halda, ətrafdakı tikililərə də ziyan dəyib. İsrail qüvvələrinin sözügedən hücumu heç bir xəbərdarlıq və ya məlumat olmadan həyata keçirdiyi vurğulanıb.
Müxbir: İntizar Əmirova