Bugun.tv xəbər verir ki, Birləşmiş Millətlər Təşkilatının (BMT) Beynəlxalq Miqrasiya Təşkilatı İsraillə qarşıdurmaların yaşandığı Livanın cənubunda 19 646 nəfərin evlərini tərk etmək məcburiyyətində qaldığını açıqlayıb. Beynəlxalq Miqrasiya Təşkilatının Yaxın Şərq və Şimali Afrika Müdirliyi oktyabrın 8-dən İsrail ordusu ilə Hizbullah arasında qarşıdurmaların davam etdiyi Livanın cənubunda daxili köçlə bağlı X sosial media platformasında açıqlama verib.
TRT Haber-in məlumatına görə, Açıqlamada 19 min 646 livanlının Livanın cənub sərhədindəki hadisələrə görə evlərini tərk etməli olduğu bildirilib. Oktyabrın 8-dən sərhəddə İsrail ordusu ilə Hizbullah arasında qarşılıqlı hücumlar davam edir. Qarşıdurmalarda indiyədək 26 Hizbullah üzvü, 6 Fələstin İslami Cihad Hərəkatı, 3 Həmas və 2 Hizbullahın dəstəklədiyi Sünni Müqavimət Briqadası üzvü həlak olub, biri jurnalist də daxil olmaqla 4 mülki vətəndaş həyatını itirib. Livanın həyata keçirdiyi hücumlarda 3 İsrail əsgəri və bir İsrail vətəndaşı həyatını itirib.
Müxbir: İntizar Əmirova