Türk Hava Yolları İstanbulda pis hava şəraiti ilə əlaqədar 170 reysi təxirə salıb.
Bu barədə aviaşirkətin media ilə əlaqələr üzrə baş vitse-prezidenti Yəhya Üstyun Tvitter hesabında məlumat verib.
“Fevralın 6-da gözlənilən qar yağması və əlverişsiz hava şəraiti ilə əlaqədar İstanbul Beynəlxalq Hava Limanından qalxması/gəlməsi planlaşdırılan 76 daxili reys daxil olmaqla ümumilikdə 152 reys, Sabiha Gökçen Hava Limanına/Sabiha Gökçen Hava Limanından daha 18 reys təxirə salınıb. Fövqəladə Meteoroloji Hallar Komitəsinin qəbul etdiyi qərara uyğun olaraq”, – məlumatda deyilir.
Mənbə: TrtHaber