İsveçrənin Federal Şurası “Ruag AG” dövlət müdafiə şirkətinin 96 Leopard 1 A5 tankının Ukraynaya təkrar ixracı üçün Almaniyanın “Rheinmetall” şirkətinə satılmasına razılıq verməsi xahişini rədd edib.
Bugun.tv xəbər verir ki, bu barədə hökumətin mətbuat xidməti məlumat yayıb.
Bildirilib ki, qərar İsveçrənin neytral statusu ilə əsaslandırılıb.
“İFederal Şura “Ruag AG” şirkətinin Ukraynaya təyinatlı 96 Leopard 1 A5 tankının ixracı ilə bağlı müraciətini qüvvədə olan qanunlara zidd olduğu üçün rədd etdi. Buna görə də o, İsveçrənin neytral ölkə kimi öhdəliklərinə və qanunun aliliyinin tətbiqinin etibarlılığına üstünlük verib”, – bəyanatda deyilir.
Mənbə:TASS