Əsasən rəsmi ünsiyyətdə ingilis və digər xarici sözlərdən istifadə edən italyanları baş nazir Giorgia Meloni-nin İtaliya Qardaşları partiyasının təqdim etdiyi yeni qanuna əsasən, 100.000 avroya (108.705 dollar) qədər cərimə gözləyir.
Baş nazirin dəstəklədiyi “xilas etmək və məhv olmaqdan qorumaq” məqsədli – qanun layihəsini parlamentin aşağı palatasının üzvü, millət vəkili Fabio Rampelli təqdim edib.
Onun sözlərinə görə, qanunvericilik bütün xarici dilləri əhatə etsə də, o, xüsusilə “Anglomania” və ya ingilis sözlərindən istifadəyə yönəlib. Çünki burda italyan dili “alçaldılır və təhqir edilir ”.
Eyni zamanda qeyd edilib ki, artıq demək olar ki, Böyük Britaniyanın bir hissəsi özü ingilis dilindən istifadə etmir.
Hələ parlamentin müzakirəsinə çıxarılmayan qanun layihəsi dövlət idarəçiliyində vəzifə tutan hər kəsdən “yazılı və şifahi halda italyan dilini bilməsi” tələbi özəksini tapıb. Həmçinin ölkədə fəaliyyət göstərən şirkətlərdə rəsmi sənədlərdə ingilis dilindən istifadə qadağan edilib.
Bu qanun layihəsinin necə ortaya çıxdığı ilə bağlı suala millət vəkili, “bunun iki səbəb var. Birincisi, demokratik dövlətdə rəsmi dil ölkənin öz dili olmalıdır, əks təqdirdə bu demokratiya olmaz, ikincisi, qloballaşma prosesləri demək olar ki, dünyada ana dillərini risk altına atdığı açıq-aydın görünür. Ümumiyyətlə Anglomania-nın bütövlükdə cəmiyyətəmizə digər mənfi təsirləri də var” – cavabını verib.
Mənbə: CNN