Bugun.tv xəbər verir ki, Lombardiya və Liquriya regionlarında leysan yağışları nəticəsində daşqınlar baş verib. Avqustun 20-si üçün hər iki regionda narıncı hava xəbərdarlığı elan edilib. Milan və Berqamo şəhərlərində isə güclü külək ağacları yollara aşırıb, parklar bağlanıb. Siciliyada daşqınlar nəticəsində iki avtomobil axına düşüb, mülki müdafiə qüvvələri iki nəfəri xilas edib, birinin axtarışları davam edir. Ölkə üzrə havanın temperaturu 10 dərəcə aşağı enib, qeyri-sabit hava şəraiti ilə bağlı əhaliyə xəbərdarlıq olunub.
İtaliyada əlverişsiz hava şəraiti fəsadlar törətdi
