Bugun.tv xəbər verir ki, Füzuli şəhərində ilk dəfə Mirzə Uluqbəy adına 1 nömrəli tam orta məktəbdə Azərbaycan-Özbəkistan Qeyri-Hökumət Təşkilatlarının Əməkdaşlıq Forumu keçirilib. Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə baş tutan tədbirdə 100-ə yaxın Azərbaycandan olan QHT nümayəndəsi, eləcə də 30 nəfərlik Özbəkistan QHT-lərindən ibarət nümayəndə heyəti iştirak edib. Özbəkistanın Qeyri-Hökumət Qeyri-Kommersiya Təşkilatları Milli Assosiasiyasının sədri Kamoliddin İşanxojayevin rəhbərliyi ilə ölkəmizdə səfərdə olan nümayəndə heyəti QHT sədrləri, media təmsilçiləri ilə yanaşı, Özbəkistanın aidiyyəti dövlət qurumlarının nümayəndələri ilə təmsil olunublar.
Gunel Gozelova JSİD – Jurnalist Sənətkarlığının İnkişafına Dəstək İctimai Birliyinin Sədri olaraq Foruma qatılıb. Tədbir özlüyündə mükəmməl, çox səmimi mühitdə keçib. İki ölkəni təmsil edən QHT nümayəndələri həm təcrübələrini bölüşüblər, həm də Azərbaycan musiqisinin sədaları altında qardaşlıq-doğmalıq nümayiş etdirərək əyləniblər.
Bir Vətəndaş Cəmiyyəti təmsilçisi, uzun illərin telejurnalisti olaraq Günel Gözəlova Qeyri-Hökumət Təşkilatlarına Dövlət Dəstəyi Agentliyinin təşkil etdiyi Forumu çox müsbət qiymətləndirib və bu cür, xüsusən əməkdaşlığın, eləcə də peşəkarlığın inkişafına hesablanmış tədbirlərin davamlı olmasını dilədiyini bildirib.