Alimlər Süd Yolu Qalaktikasında kainat qədər köhnə olan üç ulduz aşkar ediblər. Yerə yaxınlığı ilə diqqət çəkən bu ulduzların yaşlarının 12-13 milyard il olduğu təxmin edilir. Bu ulduzlar arasındakı ən mühüm fərq onların metal səviyyələri və əks istiqamətdə hərəkət etmələridir. Tədqiqatçılar Süd Yolunda oxşar xüsusiyyətlərə malik ulduzları axtarmağa davam edəcəklər.
Kainatın ən qədim ulduzlarından üçü Süd Yolu Qalaktikası ətrafında tapılıb. Yaşı az qala kainat qədər olan bu ulduzlar da Yerə yaxındırlar.
Massaçusets Texnologiya İnstitutunun (MIT) tədqiqatçıları və tələbələri müəyyən ediblər ki, kainatın ən qədim üç ulduzu Samanyolu Qalaktikası ətrafındadır.
Alimlər hesab edirlər ki, bu ulduzlar bir zamanlar öz kiçik, ibtidai qalaktikaları olub, sonralar hələ də böyüməkdə olan Süd Yolu tərəfindən udulmuşlar.
İlk ulduzların təxminən 13,8 milyard il olan kainatın 100 milyon il olduğu zaman meydana çıxdığı düşünülür. Alimlər Süd Yolu Qalaktikasında kəşf edilən üç ulduzun 12-13 milyard il yaşı olduğu qənaətinə gəliblər.
Bu ulduzlar 30 min işıq ili uzaqda yerləşdikləri üçün Yerə nisbətən yaxın hesab olunurlar. Ulduzlar Süd Yolunun kənarında dövrə vurur, tədqiqat qrupu burada daha çox belə qədim ulduzların ola biləcəyindən şübhələnir.
Alimlər bu yaşlı ulduzların Süd Yolunda digər ulduzların əks istiqamətində hərəkət etdiyini də müşahidə ediblər. Tədqiqatçılar hesab edirlər ki, bu, üç obyektin başqa qalaktikalardan gəldiyinə görədir.
Ehtimal olunur ki, ulduzlar həm tərkibindəki metal miqdarına, həm də əks istiqamətlərdə hərəkət etdiklərinə görə bir zamanlar cırtdan qalaktikaların bir hissəsi olublar. Samanyoluna təsadüfi açılarla girən cırtdan qalaktikalar bu üç ulduzu geridə qoyub getmiş ola bilər.
Tədqiqatçılar Süd Yolunun halosunda kainat qədər köhnə ola biləcəyinə inandıqları və axına qarşı hərəkət etdikləri görünən daha 65 ulduz tapıblar.
Tədqiqatçılar Süd Yolunda oxşar xüsusiyyətlərə malik ulduzları axtarmağa davam edəcəklər.
Mənbə: Ntv.Tr