ABŞ-ın Kaliforniya ştatı güclü yağış və tufanların təsiri altındadır. Təbii fəlakət nəticəsində 2 nəfər həyatını itirib.
Bugun.tv xarici mediaya istinadən xəbər verir ki, bu barədə San Fransisko Bələdiyyəsi məlumat yayıb.
Milli Hava Xidməti San Dieqo bölgəsində 2 milyondan çox insan üçün şiddətli fırtına xəbərdarlığını təkrarlayıb. Yağışlar ştatın düzənliklərində daha təsirli olub. Los-Anceles bölgəsində və Sierra Nevadada yüksək hündürlüklərdə güclü qar yağıb.
Şiddətli yağışlardan sonra Kaliforniyada quraqlıq təhlükəsinin yüzdə 36-ya endiyi, bu rəqəmin ən aşağı quraqlıq göstəricisi olduğu bildirilib.
Bu barədə ABŞ-da quraqlığı ölçən Dought Monitor saytı xəbər yayıb.
Qeyd edək ki, 2022-ci ilin dekabrına olan məlumata görə, Kaliforniyanın 98 faizində quraqlıq şəraiti hökm sürür.