ABŞ-ın Kaliforniya ştatı sahillərində 7,0 və 5,8 bal gücündə iki zəlzələ baş verib.
7.0 bal gücündə zəlzələ Kaliforniyanın Ferndale sahillərindən 99 kilometr aralıda, yerli vaxtla saat 10.44-də Sakit Okeanın 10 kilometr dərinliyində baş verib. Milli Sunami Mərkəzi ABŞ-ın qərb sahili boyunca 643 kilometr uzunluğundakı bölgə üçün sunami xəbərdarlığı edib. Sunami xəbərdarlığı bir saatdan az sonra ləğv edilib. 5,8 bal gücündə zəlzələ ilk zəlzələdən 3 dəqiqə sonra, Santa Rosa şəhərindən təxminən 68 kilometr şimalda, Kobb yaxınlığında baş verib. Zəlzələdə can və mal itkisi qeydə alınmayıb.
Mənbə: HurriYet