Kambocanın Tailandla sərhədində yerləşən otel-kazinoda baş verən güclü yanğında azı 10 nəfər həlak olub, polis və yerli media bildirib.
Yanğın çərşənbə günü saat 23:30-da (GMT 16:30) sərhəddə yerləşən Poipet şəhərindəki Grand Diamond City otel-kazinoda baş verib.
Polisin bildirdiyinə görə, yanğın zamanı binada 400-ə yaxın adam olub.
Sosial şəbəkələrdə yayılan videoda insanların yuxarı mərtəbələrdən atladığı və ya yıxıldığı görünür.
Yerli media xəbər verir ki, sərhəddə yerləşən oteldə çoxlu Tayland vətəndaşı olub. Səlahiyyətlilər hələ də yanğının səbəblərini müəyyənləşdirmək üçün çalışırlar.Tailandın Xarici İşlər Nazirliyinin rəsmisi AFP xəbər agentliyinə bildirib ki, yaralılardan bəziləri Taylandın Sa Kaeo əyalətindəki xəstəxanalara yerləşdirilib.
Poipet iki ölkə arasında əsas keçid nöqtəsidir. O, həmçinin Taylandda qumar oyunları qanunsuz olduğu üçün bir çox Tayland vətəndaşının ziyarət etdiyi kazinoları ilə də məşhurdur.
Mənbə: BBC