Hindistanın Dehli hava limanında kanadalı turistin çamadanında timsah kəlləsi tapılıb. 32 yaşlı turistin Kanadaya getmək üçün hava limanına gələrkən nəzarət zamanı saxlanıldığı öyrənilib. Hindistanın paytaxtı Yeni Dehlidə hava limanında şok hadisə baş verib. 32 yaşlı kanadalı turistin çamadanında timsah kəlləsi tapılıb. Təhlükəsizlik yoxlaması zamanı saxlanılan turistin Kanadaya gedən təyyarəni tutmağa çalışdığı bildirilib.
Hava limanı gömrüyündən verilən açıqlamada deyilir: “Müayinə zamanı, təxminən 777 qram ağırlığında olan timsah balasının çənəsinə bənzəyən iti dişləri olan kəllə sümüyünün krem rəngli parçaya bükülmüş halda olduğu aşkar edilib”.
Kanadalı turistin saxlanıldığı, timsah kəlləsinin isə Meşə və Vəhşi Təbiət Bölməsinə təhvil verildiyi bildirilib. Turistin kəlləni Tailanddan aldığı qeydə alınıb.
Meşə və Vəhşi Təbiət Bölməsi, araşdırma nəticəsində kəllənin Hindistanın Vəhşi Təbiəti Mühafizə Aktı çərçivəsində qorunan növə aid olduğunu açıqlayıb. “Teksturası, dişləri, yaxşı inkişaf etmiş sümüklü damaq və burun dəlikləri obyektin yetkinlik yaşına çatmayan timsah kəlləsi olduğunu təsdiqlədi” deyib.
Ötən il 32 yaşlı kanadalı qadın turistin baqajında şəxsiyyəti məlum olmayan heyvana məxsus buynuzlar tapıldıqdan sonra Yeni Dehli hava limanında saxlanılıb. Turist rəsmilərə bildirib ki, o, buynuzu Şimali Ladax bölgəsində gəzinti zamanı alıb və onları xatirə olaraq götürmək qərarına gəlib.
Mənbə: TgrtHaber