Rusiya, Çin və İranın Oman körfəzində keçirdiyi “Dəniz Təhlükəsizlik Kəməri 2023” dəniz təlimi regionda təhlükəsizliyin gücləndirilməsinə töhfə verib.
Bugun.tv xəbər verir ki, bu barədə Çin Müdafiə Nazirliyinin sözçüsü Tan Kefei bildirib.
“Bu təlimlər Çin, İran və Rusiyanın dəniz qüvvələrinin dənizdə müxtəlif hərbi tapşırıqları birgə yerinə yetirmək imkanlarını artırıb. Ənənəvi dostluq və əməkdaşlığı daha da gücləndirib. Dəniz təhlükəsizliyinin, eləcə də regionda sülh və sabitliyin qorunmasına töhfə verib”,- Kefei vurğulayıb.
Onun sözlərinə görə, ümumilikdə 12 gəmi havadan axtarış əməliyyatları, dənizdə xilasetmə, dəniz paradının nizam-intizamı üzrə təlimdə iştirak edib. Həmçinin, bir sıra digər tapşırıqları yerinə yetirib.
Mənbə: TASS