Bugun.tv xəbər verir ki, Ukraynanın paytaxtı Kiyevin meri Vitali Kliçko sosial media hesabından verdiyi açıqlamada səhər saatlarında baş verən hücumlardan sonra Kiyevdə yenidən partlayışların baş verdiyini bildirib.
Ukraynanın hava hücumundan müdafiə sistemlərinin Kiyevdə işlədiyini qeyd edən Kliçko, raket hissələrinin paytaxtın Desnyan, Podilsk və Obolonski rayonlarına düşdüyünü bildirib.
Hücum nəticəsində bir nəfərin yaralandığını qeyd edən Kliçko düşmənin (Rusiya) Kiyevin mərkəzi rayonlarını hədəfə aldığını bildirib.
Açıqlamada səhər saatlarında Kiyevə edilən hücumda Ukrayna hava hücumundan müdafiə qüvvələri tərəfindən 40-dan çox raket və İHA kimi hədəflərin havada məhv edildiyi açıqlanıb.
Mənbə: TrtHaber