ABŞ-ın keçmiş dövlət katibi Hillari Klinton Fransa Prezidenti Emmanuel Makronun Rusiya ilə bağlı mövqeyini tənqid edib.
Bugün.tv bu barədə “Lenta.ru”a istinadən məlumat verir.
“Deyəndə ki, Rusiyanı alçaltmağa ehtiyac yoxdur, düzü, mənə elə gəlir ki, bu, artıq keçilmiş mərhələdir. Putin qırmızı xətti çoxdan keçib”, – deyə Klinton “France Culture” radiosunun canlı efirində çıxışı zamanı Makronun fikrinə etiraz edib.
Xanım Klinton hesab edir ki, Rusiya prezidenti özünü İsveç, Baltikyanı ölkələr, Skandinaviya və Şimal ölkələrinə qarşı 20 il ərzində sonsuz müharibə aparmış Birinci Pyotr kimi aparır.
