Bugun.tv xəbər verir ki, Kolumbiyada keçirilən prezident seçkilərinin ikinci turunda sağçı namizəd Abelardo de la Espriella qalib gəlib.
Qeyri-rəsmi nəticələrə əsasən, seçki məntəqələrinin 99,91 faizi açılıb. Vətən Müdafiəçiləri Hərəkatının namizədi Espriella səslərin 49,65 faizini, hakim Tarixi Pakt Alyansının solçu namizədi İvan Sepeda isə 48,70 faizini toplayıb.
Məlumata görə, iki namizəd arasındakı fərq 0,30 faiz təşkil edib və səs fərqi 246 min 355 olub. ABŞ Prezidenti Donald Trumpın “tam və qeyd-şərtsiz” dəstəyini alan Espriella qeyri-rəsmi nəticələrə əsasən seçkinin qalibi elan edilib.
Seçki nəticələrini Karib dənizi sahilində yerləşən Barrankilya şəhərində izləyən Espriella sosial media hesabında paylaşım edərək qalib gəldiklərini bildirib. O, silahlı qrupların təzyiqlərinə, səs satınalma cəhdlərinə, korrupsiyaya və gerilla qruplaşmalarına qarşı mübarizə apararaq qalib gəldiklərini vurğulayıb.
Donald Trump da sosial şəbəkə hesabında paylaşım edərək Espriellanın qələbəsini şərh edib və onun “möhtəşəm şəkildə qalib gəldiyini” qeyd edib.
Hazırkı Prezident Qustavo Petro isə səsvermə prosesində müəyyən pozuntuların olduğunu iddia edərək nəticələri tanımadığını açıqlayıb. O, yekun nəticələrin yalnız rəsmi hüquqi sayım prosesindən sonra müəyyənləşəcəyini bildirib və vətəndaşları sakit olmağa çağırıb.
Bildirilir ki, seçkilərdə iştirak səviyyəsi 61,5 faiz olub. Rəsmi olaraq seçkinin qalibi elan olunacaq namizəd avqustun 7-də vəzifəni Qustavo Petrodan təhvil alacaq.
Mənbə: TRT Haber