ABŞ Konqresinin Nümayəndələr Palatasının üzvü Kori Mills aşağı palatada prezident Co Baydenə impiçment elan edilməsi təklifini təqdim edib. Jurnalistlərlə söhbətində siyasətçi deyib ki, buna səbəb Amerika liderinin elan etdiyi İsrailə silah tədarükündəki fasilədir.
“Co Bayden Nümayəndələr Palatasının artıq təsdiq etdiyi maliyyəni dayandırmaqla Yaxın Şərqdəki ən böyük müttəfiqimiz olan İsrailə təzyiq göstərir. Nümayəndələr Palatasının prezident Baydenə impiçment elan etməkdən başqa çarəsi yoxdur”, – Fox News Mills-in bəyanatında deyilir.
Mills həmçinin əlavə edib ki, Bayden bu qərarı verməklə səlahiyyətindən sui-istifadə edib. Konqresmen əlavə edib ki, dövlət başçısına impiçment elan etmək “konstitusion vəzifədir”.
Bayden bundan əvvəl İsrail hakimiyyətinə ultimatum vermişdi. O, İsrail ordusunun Qəzzanın cənubundakı Rəfah şəhərinə girəcəyi təqdirdə Amerikanın silah tədarükünü dayandıracağını bildirmişdi.
Mənbə: UraNews