Bugun.tv xəbər verir ki, Avstraliyada 13 yaşlı üzgüçü Kvinslenddə köpək balığının hücumuna məruz qalıb. O xəstəxanaya yerləşdirilib. Bu barədə Daily Mirror məlumat yayıb.
Hadisə martın 15-də Brisben şəhərinin şimalındakı çimərliklərdən birində baş verib. Təxminən saat 16 radələrində qız üzərkən köpək balığı ona hücum edərək, ombasından tutub. Sonra yırtıcı balıq qurbanı ayaqlarından və mədəsindən dişləyib.
Qız təcili olaraq yerli sörf klubunun binasına aparılıb. Orada qanaxma dayandırılıb. Yaralara sarğı edilib. Bundan sonra o, xəstəxanaya aparılıb. Həkimlər zərərçəkənin vəziyyətinin stabil olduğunu, həyati təhlükəsinin olmadığını bildiriblər.
Kvinslend Təcili Yardım Xidmətinin rəhbəri Metyu Davenport deyib ki, qız nisbətən kiçik xəsarətlərlə xilas olmaq üçün çox şanslı olub. O, həmçinin qeyd edib ki, hücumun baş verdiyi çimərlik təhlükəli sayılmayıb. Orada əvvəllər köpək balıqları peyda olmayıb.
Mənbə lenta.ru