Bugun.tv-nin məlumatına əsasən, ABŞ-ın Boston şəhərində ölkənin tibb tarixinə düşəcək əməliyyatda həkimlər gələcək körpəyə beyin əməliyyatı ediblər. Əməliyyat uğurlu keçib, ana və körpənin səhhətinin yaxşı olduğu açıqlanıb.
Luiziana ştatında yaşayan Derek və Kenyatta Koulman adi müayinə üçün getdikləri xəstəxanada həkimlərin qeyri-adi bir şey gördüyünü öyrəniblər.
Xəbərə görə, həkimlər körpənin beynində damar qüsuru, nadir qan damar anomaliyasını aşkar ediblər.
Körpənin beynini müşahidə edən həkimlər qüsurun təhlükəli şəkildə böyüdüyünü bildiriblər.
Normal hamiləlik keçirdiyini düşünən Kenyatta körpəni bətnində dünyaya gətirməzdən əvvəl əməliyyat olub-olmaması barədə qərar verməli olub.
Cütlüyün razılığı ilə əməliyyat aparılıb və körpə sağlam doğulub. Bu prosedur tibb tarixinə ABŞ-da ana bətnində olan körpə üzərində edilən ilk əməliyyat kimi düşdü.
Xatırladaq ki, 2018-ci ildə rusiyalı həkimlər Tümen şəhərində doğulmamış uşağın beyin əməliyyatı keçiriblər.