Braziliyanın şimalında Maranhao və Tokantins əyalətlərini birləşdirən Juscelino Kubitschek de Oliveira körpüsünün çökməsi hadisəsində can itkisi artıb.
Agencia Brasil-də dərc olunan xəbərə görə, həyatını itirənlərin sayı 12-yə yüksəlib. Hadisədə 5 nəfərin axtarışları davam edir.
Çaya düşən avtomobildən tapılan son cəsədin çıxarıldığı paylaşılıb. Səlahiyyətlilər körpünün uçması zamanı 4 yük maşını, 2 minik avtomobili və 2 motosikletin çaya düşdüyünü açıqlamışdı.
Sosial mediada paylaşılan görüntülərdə körpünün çökmə anı lentə alınıb.
Mənbə: TgrtHaber