Rusiya və Səudiyyə Ərəbistanı arasında enerji sektoru da daxil olmaqla, müxtəlif sahələrdə əməkdaşlıq bazar konyukturasının dəyişməsindən asılı deyil”.
Bugun.tv xəbər verir ki, bunu Rusiyanın xarici işlər naziri Sergey Lavrov səudiyyəli həmkarı Feysəl bin Fərhan Əl Səud ilə görüşdən sonra mətbuat konfransında bildirib.
O, TASS-ın Ukrayna ətrafındakı vəziyyətin iki dövlət arasında enerji əməkdaşlığına necə təsir etməsi ilə bağlı sualını cavablandırarkən belə cavab verib:
“Səudiyyə Ərəbistanı ilə istər enerji sektorunda, istərsə də bir çox digər sahələrdə əməkdaşlığımıza başqa qüvvələr kölgə sala bilməz”.
Lavrov əlavə edib ki, Moskva və Ər-Riyad, ilk növbədə, OPEC+ sazişlərinin bir hissəsi kimi mövcud razılaşmalara sadiqliklərini təsdiqləyiblər.
“Müqavilə bu ilin sonuna qədər tam qüvvədə qalır. Bundan sonra OPEC+ qrupunun üzvləri vəziyyəti nəzərdən keçirəcək və yeni qərarlar qəbul edəcəklər”, – Lavrov bildirib.