“Liverpul”un çempionluq bayramı zamanı avtomobillə camaatın arasına girən şəxsin şirkətdə menecer işləyən 53 yaşlı Pol Desmond Sanders Doyl olduğu açıqlanıb.
“Liverpul”un 20-ci Premyer Liqa çempionatı zamanı baş verən dəhşətli hadisə dünya ictimaiyyəti tərəfindən diqqətlə izlənilir.
İngiltərədə şənlik zamanı izdihamın üstünə çıxan avtomobil çox sayda insanın yaralanmasına səbəb olub. Mersi-Çeşir şəhərinin baş prokuroru Sarah Hammond və Mersisayd rəis müavini Cenni Sims mayın 26-da Liverpul şəhərində baş verən hadisə ilə bağlı mətbuat konfransı keçirib.
İclasda adı açıqlanan hücumçunun bir şirkətdə menecer işləyən 53 yaşlı Paul Desmond Sanders Doyl olduğu açıqlanıb.
Prokuror köməkçisi Hammond, Doylun bu gün Liverpulda hakim qarşısına çıxacağını və “təhlükəli sürücülük”, “qəsdən sağlamlığa ağır zərər vurma” və “qəsdən sağlamlığa ağır xəsarət yetirməyə cəhd” cinayətlərinə görə mühakimə olunacağını açıqlayıb.
Mersisaydlı polis rəisinin müavini Sims açıqlamasında belə deyib:
Bu hadisə bir çoxlarımızı sarsıtdı və kədərləndirdi. Bilirəm ki, bir çox insanın hələ də sualları və narahatlığı var. Detektivlərimiz bu suallara cavab tapmaq üçün yorulmadan çalışırlar. Əlavə məlumat əlimizdə olduqda paylaşacağıq. Hadisə nəticəsində 79 nəfər xəsarət alıb. 7 nəfərin müalicəsi hələ də xəstəxanada davam edir. Ümid edirəm ki, bütün yaralıların və şahidlərin sağalmağa vaxtı olacaq.
Britaniya mediası Doylun bir şirkətdə direktor işlədiyini və 3 övladının olduğunu yazıb.
Mənbə: EnSonHaber