Belarus prezidenti Aleksandr Lukaşenko çərşənbə axşamı Çinə səfər edib. Bugun.tv BELTA agentliyinə istinadən xəbər verir ki, onun təyyarəsi Pekin hava limanına enib.
Aleksandr Lukaşenkonun Çin sədri Si Cinpinlə təkbətək və digər rəsmilərlə danışıqlar aparacağı gözlənilir. Əsas sahələrdə əlaqələrə dair böyük sənədlər paketi imzalanacaq.
Baş nazirin birinci müavini Nikolay Snopkov mətbuata bildirib ki, Belarus və Çin liderlərinin “hər hava şəraitində” və hərtərəfli strateji tərəfdaşlıq haqqında birgə bəyannamə qəbul edəcəyi gözlənilir. O, bildirib ki, qarşıdakı 5-10 il üçün iki ölkə arasında münasibətlərin strukturunun qurulması üçün bütöv bir “əsas sənədlər” paketi də imzalanacaq.