“Sizə uğurlar arzulayırıq. Bu bizim praqmatizmimizdir. Çünki Çin güclüdürsə, Belarusiya da güclü olacaq və inkişaf edəcək”.
Bugun.tv TASS-a istinadən xəbər verir ki, bunu Belarus dövlət başçısı Çinin baş naziri Li Keçyanla görüşündə deyib.
Lukaşenko Çin Kommunist Partiyası Konqresinin uğuru münasibətilə Çin tərəfini təbrik edib. “Biz hamımız vəziyyəti, bu Konqresi çox diqqətlə izləyirik. Beynəlxalq arenada cərəyan edən vəziyyətə diqqət yetiririk. Sizi sakit, düşüncəli şəkildə irəlilədiyiniz üçün təbrik edirik. Siz öz yolunuzla gedirsiniz, heç kəsi narahat etmirsiniz. Çin xalqının ruhuna və xarakterinə tam uyğun gələn Çinə qarşı xırda iyrəncliklərə reaksiya vermirsiniz”.
“Gəlin, xalqlarımızın rifahı naminə əlaqələrimizi birlikdə intensivləşdirək. Sizin üçün qapalı mövzular, qapalı regionlar yoxdur. Dostluğumuz hər şeyi əhatə edib. Bu istiqamətdə biz hərəkət etməyə hazırıq və Çin xalqına tərəf gedirik”, – Belarus lideri bildirib.