Bugün.tv-nin Mədəniyyət Nazirliyindən əldə etdiyi məlumata əsasən, Bakı Şəhər Mədəniyyət Baş İdarəsinin rəisi İbrahim Əliyev, Xalq artisti Mənsum İbrahimov, Xalq artisti Elçin Həşimov, Əməkdar artist Elnur Əhmədov görkəmli xanəndə, Əməkdar artist Süleyman Abdullayevi evində ziyarət edib.
Qeyd edək ki, istedadlı musiqiçilər sorağıyla Füzuli rayonuna gələn böyük xanəndə Seyid Şuşinski, Süleyman Abdullayevin səsini yüksək qiymətləndirmiş və onu peşəkar təhsil almaq üçün Bakıya dəvət etmişdir. Seyid Şuşinskinin ənənələrini yaşadan xanəndə, eyni zamanda, özünəməxsus ifaçılıq üslubu, oxuma tərzi, bir çox muğamların yadda qalan təfsiri ilə tanınır.
Səhhəti ilə əlaqədar sənətkarımıza can sağlığı arzulayırıq!
