Kolumbiyada kömür mədənində partlayış baş verib. Nəticədə 21 nəfər həyatını itirib.
“Biz qapalı qalan mədənçiləri xilas etmək üçün qubernatorluqla birlikdə lazım olan bütün səyləri edirik”.
Bugun.tv xəbər verir ki, bunu Kolumbiya prezidenti Qustavo Petro sosial media hesabında qeyd edib.
Partlayışa səbəb ölkədə qeyri-qanuni istismar edilən mədənlərdə təhlükəsizlik tədbirlərinin lazımi səviyyədə olmamasıdır. Elə bu səbəbdən də çoxlu sayda ölümlə nəticələnən qəzalar baş verir.
Xatırladaq ki, 2010-cu ildə Kolumbiyada kömür mədənində baş verən partlayışda 73 nəfərin ölüb. Bu, “ölkə tarixində ən faciəli qəza” kimi qeydə alınıb.