Çinin Quanqdonq əyalətində çökən magistral fəlakət nəticəsində ölənlərin sayı artmaqda davam edir.
Çinin cənubundakı Quanqdonq əyalətinin Meyçjou şəhərində güclü yağışların təsirinə məruz qalan Meyçjou-Dabu avtomobil yolunun qəfil çökməsi nəticəsində dünən baş verən fəlakətin sayı artır.
Çin dövlət mediası yolun çökməsi nəticəsində həyatını itirənlərin sayının 36-ya yüksəldiyini bildirib. Yolun 17,9 metrlik hissəsinin çökdüyü ərazidə indiyədək 23 avtomobilin olduğu bildirilib.
Hadisə yerindən çəkilən fotolarda təbii fəlakətdə zədələnmiş avtomobillərin nəhəng kranla palçıqdan çıxarıldığı görünür. Xilasedicilər itlər və həyat aşkar edən avadanlıqlarla da axtarış aparırdılar.
Digər tərəfdən, dəhşətli hadisədən sonra xəstəxanaya yerləşdirilən 30 nəfərin həyati təhlükəsinin olmadığı bildirilib. Magistral yol hər iki istiqamətdə nəqliyyatın hərəkəti üçün bağlanarkən, axtarış-xilasetmə işlərinə yanğınsöndürmə briqadaları və mina-xilasetmə mütəxəssisləri də daxil olmaqla 500-dən çox canlı qüvvə cəlb edilib.
Mənbə: TGRT