Fransa prezidenti Makron Avropa Parlamenti seçkilərində ifrat sağçıların ölkəsində böyük fərqlə birinci yerə çıxmasından sonra parlamenti buraxıb və növbədənkənar ümumi seçkilər keçirmək qərarına gəlib.
Fransa prezidenti Emmanuel Makron Avropa Parlamenti (AP) seçkilərində ifrat sağçı partiyaların səsvermə nisbətlərinin artmasını əsas gətirərək Fransa Milli Assambleyasını buraxdığını açıqlayıb.
Makron bəyan edib ki, AP seçkilərindəki məğlubiyyətdən sonra Fransa birinci tur üçün iyunun 30-da, ikinci tur üçün isə iyulun 7-də seçki keçirəcək.
İfrat sağçıların aldığı səs nisbətlərinə toxunan Makron, “Ona görə də bu günün sonunda heç nə olmamış kimi davrana bilməyəcəm” deyə bəyanat verib.
Mənbə: İLKHA