Mars helikopteri Ingenuity, rəsmi olaraq son məlumatlarını ötürərək, uçuş günlərini başa vurub.
Bugun.tv xəbər verir ki, O son aylarda keçirdiyi qəzalar səbəbindən artıq uça bilməyəcək.
Aparatın komponentlərinin əksəriyyəti hələ işlək vəziyyətdədir. Buna görə də ondan gələcək tədqiqatlar üçün monitor kimi istifadə ediləcəyi bildirilir.
Qeyd edək ki, NASA tərəfindən 30 iyul 2020-ci ildə buraxılan Perseverance aparatı 7 aylıq səyahətdən sonra 2021-ci ildə Marsa enib. Daha sonra vasitə “İngenuity” helikopterini səthə yerləşdirib.
Bu cihaz üç il ərzində Marsda 72 uçuş həyata keçirib, 18 km yol qət edıb. NASA-nın məlumatına görə, bu, planlaşdırılandan 14 dəfə çoxdur.