Tarif Şurasının 31 yanvar 2023-cü il tarixində növbəti iclası keçirilib. Daşıyıcı şirkətlərin müraciətlərinə baxılıb. İctimai nəqliyyatda sərnişindaşıma xidmətləri üzrə yeni tariflər təsdiq edilib.
Bugun.tv xəbər verir ki, müzakirələrdən sonra metroda sərnişindaşıma tarifi 1 gediş üçün 40 qəpik olub. Ölkə üzrə tarifin yuxarı həddi şəhərdaxili avtobus marşrutlarında 40 qəpik, şəhərətrafı və qəsəbələrarası avtobus marşrutları üzrə məsafədən asılı olaraq 0,40-1,00 manat təsdiq edilib. Şəhərlərarası avtobus marşrutlarında isə tarifin yuxarı həddi 1 kilometr üçün 3 qəpik səviyyəsində müəyyən olunub (əvvəlki tarif 2,4 qəpik).
