Bugun.tv xəbər verir ki, Bakı Metropoliteninin iş rejimində dəyişiklik olacaq. Qatarlar arasında interval azaldılacaq.
Bu haqda “Bakı Metropoliteni” QSC–nin mətbuat katibi Bəxtiyar
Məmmədov məlumat verib. Onun sözlərinə görə, şəhər mərkəzi kütləvi-mədəni tədbirlərin keçirləcəyi məkanlara yaxın olan stansiyalarda əlavə işçi qüvvəsi ayrılmaqla, növbətçilik cədvəli tərtib olunacaq.
“Bu gündən başlayaraq 21-nə kimi qatarların hərəkəti metronun “28 May” stansiyasından “Həzi Aslanov”a qədər olan sahədə 2 dəqiqə yarımlıq intervalla tənzimlənəcək. Mart ayının 22-dən 24-ə qədər isə 3 dəqiqəlik interval tətbiq olunacaq. Lakin bununla belə, ehtiyat qatarlar mütləq şəkildə nəzərdə tutulacaq”.