Bugun.tv xəbər verir ki, Cənubi Koreyada “meymun çiçəyi” virusu yayılıb.
Bu barədə Xəstəliklərə Nəzarət və Qarşısının Alınması Mərkəzi (KDCA) tərəfindən edilən açıqlamada qeyd edilib.
Aprelin 3-də dəri səpgiləri ilə xəstəxanaya müraciət edən şəxsin “meymun çiçəyi” virusu daşıdığı üzə çıxıb. Hazırda onun səhhətinin yaxşı olduğu bildirilib.
Xatırladaq ki, ölkədə “meymun çiçəyi” virusuna ilk yoluxma faktı ötən il iyunun 22-də təsdiqlənib. Beşinci hal bu il martın 13-də qeydə alınıb.
Qeyd edək ki, sözügedən virus adətən heyvandan insana, nadir hallarda isə insandan insana keçir. Bədəndə yüksək hərarət və qaşınma qabarcıqlarına səbəb ola bilər.
Mənbə: TRT haber