Gündəlik istifadə olunan ən çirkli əşyaların tualet oturacağı və ya qapı tutacaqları olduğu düşünülsə də, mikrobioloqlar bunun tam doğru olmadığını bildirirlər.
Bugun.tv xəbər verir ki, HuffPost nəşrinə danışan mikrobioloq Ceyson Tetro mağazalardakı ödəniş terminallarının PIN-kod düymələrinin ən çox mikrob toplayan səthlərdən biri olduğunu deyib.
Mütəxəssisin sözlərinə görə, bu düymələrə hər gün yüzlərlə insan toxunur və onların hamısı əl gigiyenasına əməl etmir. PIN-kodu daxil edərkən düymələrə edilən təzyiq nəticəsində çoxlu sayda mikroorqanizm əllərə keçə bilər.
Tetro bildirib ki, bu yolla tənəffüs yolu virusları, həmçinin qida zəhərlənmələrinə səbəb olan müxtəlif bakteriyalar insandan insana ötürülə bilər.
Mikrobioloq əlavə edib ki, mağazalarda istifadə olunan alış-veriş arabaları və səbətlər də yüksək səviyyədə çirklənən əşyalar sırasındadır. O, alış-verişdən sonra əllərin yuyulmasını və ya dezinfeksiyaedici vasitələrdən istifadə edilməsini tövsiyə edib.
Mənbə: mail.ru