Son on ildə dünya okeanlarından minlərlə nümunəni təhlil edən beynəlxalq tədqiqatçılar qrupu mikroplastiklərin artıq səth suları ilə məhdudlaşmadığını, dənizlərin ən dərin nöqtələrinə nüfuz etdiyini sənədləşdirib.
Xüsusilə, Sakit okeanın dibindəki Mariana xəndəkində aparılan ölçmələr vəziyyətin ciddiliyini bütün aydınlığı ilə ortaya qoyub. Tədqiqatçılar dəniz səviyyəsindən təxminən 7 kilometr aşağıda olan bir kubmetr suda 13500-dən çox mikroplastik hissəcik sayıblar.
Bu rəqəm elmi qeydlərdə indiyə qədər qeydə alınan ən yüksək plastik çirklənmə dərinliyi kimi tarixə düşdü.
Yaponiya Dəniz-Yer Elmləri və Texnologiyaları Agentliyinin tədqiqatçısı Şiye Zhao qeyd edib ki, kiçik ölçülərinə görə mikroplastiklər su sütununda uzun müddət asılı vəziyyətdə qalır və dəniz həyatı üçün daha böyük təhlükə yaradır.
Çinin Zhejiang Kənd Təsərrüfatı və Meşəçilik Universiteti tərəfindən aparılan bir araşdırma, insan orqanlarında mikroplastiklərin aşkar edildiyini və uşaqlıq boynu xərçəngi və lezyonlar kimi sağlamlıq problemləri ilə əlaqəli ola biləcəyini ifadə edib.
Tədqiqatçılar müxtəlif insan toxumalarında müxtəlif növ plastiklərin tapıldığını və bunun sağlamlıq üçün narahatlıq doğurduğunu bildiriblər. Bununla belə, aydın səbəb-nəticə əlaqəsinin qurulması üçün daha çox araşdırmaya ehtiyac olduğu bildirilib.
Mənbə: HurriYet