Xalqımızın milli həmrəyliyinin rəmzinə çevrilən Novruz bayramı hər gəlişi ilə vətənimizə, xalqımıza sevinc gətirir. Bu bayramın ən gözəl tərəflərindən biri isə yardımlaşmaqdır.
Bugun.tv xəbər verir ki, Milli Məclisin deputatı Fatma Yıldırım aztəminatlı ailələri bayram sovqatı paylayıb. Bu barədə o jurnalistlərə müsahibəsində bildirib.
“Biz də öz növbəmizdə bayram günlərində Bərdə rayonunda 130 şəhid ailələri, qazilər və aztəminatlı ailələri ev-ev gəzdik, bayram sovqatlarımızı payladıq. Ən önəmli isə onları bayram günündə xatırlamaq, həmrəyliyimizi nümayiş etdirmək oldu. Hər birinizi Novruz bayramı münasibətilə bir daha təbrik edir, bahar əhval-ruhiyyəsi, süfrələrinizə hər zaman bol ruzi-bərəkət arzu edirəm!”, – deyə F.Yıldırım əlavə edib.
Mənbə: Yenigündəm.az